एजेन्सी । साउदी अवरबको एक प्रान्तमा बुधबार साँझ भएको सडक दुर्घटनामा परी ३५ जनाको मृत्यु भएको छ ।साउदी अरबको अल–अखल इलाकामा बुधबार बेलुका करिब ७ बजेतको समयमा दुर्घटना भएको भताइएको छ ।

प्रहरीका अनुसार एक यात्रुबाहक बस अनियन्त्रित भई ट्रकसँग ठक्कर खाएको थियो । ठक्कर खाएलगत्तै बसमा आगो लागेको बताइएको छ ।उक्त बसमा करिब ३९ जना यात्रु सवार रहेको बताइएको छ ।

बसमा प्रवासीहरु सवार रहेको र मृत्युहुनेमध्ये धेरै एसियाली तथा अरब मूलका नागरिक रहेको बताइएको छ ।घाइतेहरुलाई साउदी अरबकै अल–हमना अस्पतालमा भर्ना गरिएको अन्तर्राष्ट्रिय मिडियाले समाचारमा उल्लेख गरेका छन् ।