दाङ । प्रहरीले विप्लव नेतृत्वको नेकपा प्यूठानका नेता रत्न थापामगरलाई गिरफ्तार गरेको छ ।

उनलाई प्युठान नगरपालिका–३ स्थित आफ्नै घरमा रहेका बेला जिल्ला प्रहरी कार्यालयबाट खटिएको प्रहरी टोलीले गिरफ्तार गरेको उनका परिवारले जनाएको छ ।

थापा विप्लव नेकपाका राप्ती ब्यूरो सदस्य हुन् । उनको गिरफ्तारको नेकपा प्युठानले विरोध जनाएको छ । यसअघि नेकपाका अर्का जिल्ला नेता रनबहादुर थापालाई असोज २१ गते गिरफ्तार गरेको थियो ।