काठमाडौं । नेपाल राष्ट्र बैंकले १० अर्ब २५ करोड मूल्य बरारबको दुई प्रकारको ट्रेजरी बिल बिक्री गर्ने भएको छ । राष्ट्र बैंकले दिएको जानकारी अनुसार सोमबार सो ट्रेजरी बिल बिक्री गरिने छ । ट्रेजरी बिलको बोलकबुल सोमबार दिउँसो तीन बजे हुनेछ ।
बिक्री गरिने कुल ट्रेजरी बिल मध्ये ९१ दिने अवधिको ८ अर्ब मूल्य बराबरको ट्रेजरी बिल २०७६ पुस २९ गते परिपक्व हुनेछ ।  त्यसैगरी ८२ दिने अवधिको  दुई अर्ब २५ करोड मूल्य बराबरको ट्रेजरी बिल २०७७ वैशाख दुई गते परिपक्व हुनेछ ।
यस अघि राष्ट्र बैंकले  असोज १६ गते ९१ दिने अवधिको १० करोड र एक सय ८२ दिने अवधिको एक अर्ब ८९ करोड रुपैयाँ  बराबरको ट्रेजरी बिक्री गरेको थियो ।