तीन÷चार बर्ष पहिला यसरी गरेर आउने धेरै देखिन्थे आजभोलि देखिन छाडेको छ । बिगत तीन बर्ष अगाडिबाट शिलामं तुलेगु गर्ने प्रजापति र म्हादु दायगु गर्ने राकेश बोहजु उनीहरु दुई जना बाहेक अरु देख्नै छाडेका छन् । बिगत १३ बर्षदेखि म्हादु दायगु गर्दै आएका ३७ बर्षीय राकेश बोहजु भन्छन्–‘भगवानप्रतिको आस्था र मनलाई शान्ति दिलाउन ।’

आफू ठूलो दुर्घटना भएको बेला डाक्टरले समेत बच्ने आश मारेको व्यक्ति ब्रम्हायणीमाता आफ्नो पीठ देवाता भएकोले उनको नाम र जन्म र कर्म दिने बुबाको मात्र नाम लियर बस्ने गरेको सुनाए । आज यो अवस्थासम्म ल्याइपु–याएको भगवानले भएको बिश्वास छ उनीमा । त्यसैले १३ बर्ष अगाडि आफू स्वथ्य भएपछि यस्तो धर्मकर्म गर्न सुरु गरेको बताए । यसरी जाने ब्यक्तिको आफ्नो घरबाट ब्रम्हायणी पीठ मन्दिर सम्म करीब ३ घण्टा जति समय लाग्ने बताए ।

बिहानदेखि मेला भर्न भक्तपुर लगायत छिमेकी जिल्ला काभ्रेको बनेपा, नाला, लालितपुर, काठमाडौंका विभिन्न स्थानबाट बाजागाजासहित मेला भर्न आउनेको भिड लागेको छ । दशमीको दिन हिजो नवमीमा जमरा राखेको कोठामा गरेको धेरै जसोको बलीसहितको पूजाको स्वँःक्वकायगु (प्रसाद लिने) लिने गरिन्छ ।

विहानै प्रसाद लिइसकेर टिका, मोहनी(कालोटिका), जमाराको फूल लगाएर ब्रम्हायणी पीठमा नवदुर्गा भवानी दर्शन गर्न जाने परम्परा रहेको छ ।