काठमाडौं । रणवीर सिंहको आगामी फिल्म ‘८३’को सुटिङ सकिएको छ । सन् १९८३ मा भारतको पहिलो क्रिकेट वल्र्ड कप जितको इतिहासलाई फिल्मले पुनः पर्दामा प्रस्तुत गर्दैछ । यो फिल्मको सुटिङ पूरा भएको अवसरमा ‘-यापअप पार्टी’को आयोजना गरिएको थियो, जहाँ अभिनेता रणवीर कपुर र उनकी श्रीमती दीपिका पादुकोणलगाएत फिल्मको पूरै टिम उपस्थित थिए ।
रणवीर–दीपिकाले फिल्मको युनिटलाई शान्दार पार्टी दिएका हुन् । सोमबार ‘७ अक्टोवर’ साँझ आयोजना गरिएको उक्त -यापअप पार्टीमा सबै जनाले मस्ती गरेका छन् । सोही पार्टीमा रणवीर र दीपिकाले नाचेका भिडियो र तस्वीरहरु सोसल मिडियामा भाइरल बनिरहेका छन् ।
यस पार्टीमा अभिनेत्री दीपिका निकै स्टाइलिस देखिएकी छन् । उनले ह्वाइट अफ शोल्डर शर्ट र हाई वेस्ट डेनिम लगाएकी थिइन् । जहाँ रेड हिल्स आउटफिट र लिपस्टिकमा उनी निकै सुन्दर देखिएकी थिइन् ।
अर्कोतर्फ अभिनेता रणवीरले भने सिम्पल आउटफिटमा देखिए । उनले आफ्नो श्रीमती दीपिकाको पहिरनसँग मिल्दोजुल्दो ह्वाइट टि-शर्ट र ग्रे प्यान्टस लगाएका थिए । फिल्म ८३ मा रणवीरले पूर्व क्रिकेटर तथा कप्तान कपिल देवको भूमिका निभाएका छन् ।
यस पार्टीमा निर्देशक कवीर खानसँगै उनर्की श्रीमती मिनी माथुर पनि पुगेकी थिइन् । जहाँ उनीहरु निकै खुसी मुद्रामा देखिएका थिए ।
