एजेन्सी । भारतमा राष्ट्रपिताको सम्मान पाएका अहिंसावादी नेता महात्मा गान्धीको आज १५० औं जयन्ती भव्यताका साथ मनाइँदैछ ।
गान्धी जयन्तीका अवसरमा भारतीय प्रधानमन्त्री नरेन्द्र मोदी गान्धीको समाधीस्थल पुगी श्रद्धाञ्जली अर्पण गर्नेछन् ।
त्यस्तै भारतीय सत्तारुढ दल भारतीय जनता पार्टी र विपक्षी भारतीय कांग्रेसले विभिन्न कार्यक्रमको अयोजना गरी गान्धी दिवस मनाउँदैछन् ।
गान्धी जयन्तीको अवसर पारेर भारतलाई खुल्ला दिशामुक्त राष्ट्र घोषणा गर्ने तयारी भइरहेको छ । सन् २०१४ मा गान्धी जयन्तीको अवसर पारेर प्रधानमन्त्री मोदीले ‘स्वच्छ भारत’ अभियान सुरु गरेका थिए ।
भारतलाई उपनिवेसबाट मुक्त गराउन गान्धीको विशिष्ट योगदान रहेको र त्यसैको सम्मानमा उनलाई भारतमा राष्ट्रपिताको रुपमा सम्मान गरिन्छ । बास्तविक नाम मोहनदास करमचन्द गान्धी भए पनि महात्मा गान्धीकै नामले उनी प्रख्यात भए ।
महात्मा गान्धीका केही मननीय भनाइहरु
– भोली नै मर्नुछ भनेर जिउनुस् र कहिल्यै मर्दिन भन्ने सोचेर सिक्नुस् ।
– डर शरिरको बिमारी हो, यसले आत्मालाई मार्दछ ।
– विश्वास गर्नु एक गुण हो भने अविश्वास दुर्बलताको जननी ।
– जसले समय बचायो उसले धन बचायो । बचाएको धन कमाएको धन बराबर हो ।
