वीरगञ्ज : बाराको सिमरौनगढ बजारमा रहेको आलिम मोटरसाइकल बर्कसपमा हावाटंकी विस्फोट हुँदा एक जनाको मृत्यु भएको छ भने अर्का एक जना घाइते भएका छन् ।
मृत्यु हुनेमा बर्कसपका सञ्चालक सिमरौनगढ नगरपालिका ४ हरिहरपुर निवासी फैजुला अंसारी रहेका छन् । उनको उपचारको क्रममा मृत्यु भएको बाराका प्रहरी प्रवक्ता रंजित सिंह राठौरले बताए ।
त्यस्तै घाइते हुनेमा सोही बर्कसपमा कार्यरत मेराज आलम रहेको र उनको कलैया अस्पतालमा उपचार भइरहेको प्रवक्ता सिंह राठौरले जानकारी दिए ।
