वीरगंज संजालवीरगंज|त्रिभुवन राजपथ अन्तर्गत हेटौंडादेखि वीरगंजसम्मको अतिक्रमित सडक खाली गराउन वीरगंज–पथलैया व्यापारिक मार्गले सूचना जारी गरेपछि लामो समयदेखि सडक फराकिलो हुनबाट वञ्चित हुँदै आएको वीरगंजको मेनरोडवासी अहिले पुनः आतङ्कित भएका छन् । 
वीरगंज–पथलैया व्यापारिक राजमार्गले सूचना जारी गरेर छठपछि अतिक्रमण खाली गराउने भनेपछि यस विषयलाई लिएर अहिले वीरगंजका मेनरोडवासीहरू आतङ्कित भएका हुन् । तीन दशकदेखि सडक विभागले असारमा सूचना जारी गर्ने र त्यसपछि मेनरोडवासीको विरोध र दबाबले कार्यान्वयन अवरुद्ध हुँदै आएको थियो । वीरगंजको गण्डकसम्म सडक विभागले अतिक्रमण हटाउने कार्य सम्पन्न गरेपनि त्यस अगाडि बढ्न सकेको छैन ।
यसपटक पनि गण्डकको बाइपाससम्म अतिक्रमण हटाउने कार्य सम्पन्न भइसकेको छ । त्यसभन्दा यता सूचना जारी भएपछि मेनरोडमा रहेका घरधनीहरूले विरोध र दबाब शुरू गरिसकेका छन् । यसैक्रममा मेनरोडमा रहेका घरधनीहरू सङ्गठित भएर बनेको संस्था ‘वीरगंज बचाऊ सङ्घर्ष समिति’ले सर्वोच्च अदालतमा क्षतिपूर्तिको लागि रीट दायर गर्नुका साथै भौतिक पूर्वाधारमन्त्री रघुवीर महासेठसँग भेटघाट तथा छलफल गरेको छ ।
हालै गरेको छलफलमा मन्त्रीले घण्टाघरदेखि भन्सारसम्मको क्ष्Fेत्रको अवलोकन गर्ने र त्यसपछि मात्रै अतिक्रमणको सम्बन्धमा निर्णय दिने आश्वासन दिएका छन् । मन्त्रीसँग छलफल गर्न समितिका संयोजक पुरेन्द्रकिशोर लाभको नेतृत्वमा राजपाका सहअध्यक्ष एवं सांसद लक्ष्मणलाल कर्ण, पूर्वसांसदहरू राजकुमार गुप्ता, जुनैद अन्सारी, नागेन्द्र चौधरी, रामचन्द्र साह, नेकपा पर्साका अध्यक्ष प्रभु हजरा, नेका पर्साका सभापति अजय द्विवेदी, वीरगंज उद्योग वाणिज्य सङ्घका अध्यक्ष गोपाल केडिया, पूर्वअध्यक्ष प्रदीप केडियालगायतको सहभागिता थियो ।
मन्त्रीसँगको छलफलमा सहभागीहरूले वीरगंजको मेनरोडको अतिक्रमण बचाउन गएको हल्लाबाजी भएको छ । यस सन्दर्भमा मन्त्रीसँग छलफलमा रहेका राजपाका सहअध्यक्ष एवं सांसद लक्ष्मणलाल कर्णले न्यूनतम क्ष्Fति हुने गरी सडक फराकिलो गर्नुपर्ने छलफलमा कुरा राखेपनि राजपाका महासचिवद्वय शिव पटेल र राजेशमान सिंह तथा जिल्ला अध्यक्ष प्रेमबाबू पटेलले भने २५/२५ मिटर सडक फराकिलो गर्नुपर्ने बताए ।
राजमार्गको विकल्प तयार भइसकेकाले वीरगंज शहरलाई भग्नावशेष बनाउनु आवश्यक नभएको तर्क गर्दै नेपाली काङ्ग्रेस पर्सा अहिले पनि आप्mनो अडानमा यथावत् छ । सो पार्टीका सचिव श्याम पटेलले घण्टाघरदेखि भन्सारसम्मको क्षेत्रबाट अतिक्रमण हटाउँदा थुप्रैलाई मर्का पर्ने हुँदा न्यूनतम क्षतिमा सडक फराकिलो गर्नुपर्ने बताए ।
नेकपा, पर्साका अध्यक्ष प्रभु हजरा भने अतिक्रमण हटाउनुपर्ने पक्षमा आप्mनो सहभागिता नभएको प्रस्ट्याउँछन् ।
आप्mनो पूर्व भनाइविपरीत अध्यक्ष हजराले पीडितहरूको कुरा सुन्नुपर्ने भएकोले आप्mनो सहभागिता भएको बताए । अतिक्रमण हटाउनुपर्ने पक्षमा उनले विगतमा कडा शब्द बोलेका थिए । तर अहिले उनी न्यूनतम क्षतिबाट सडक फराकिलो गर्न सकिने आपूmले विचार राखेको बताए । हजराले घण्टाघरदेखि छपकैयासम्मको क्ष्Fेत्रमा धेरैजनाको उठीबास लाग्ने भएकोले उनीहरूको हकमा सरकारले अतिक्रमण हटाएपश्चात् व्यवस्थापन गर्नुपर्ने आपूmले सुझाव दिएको बताए ।
तर नेकपाका पूर्वसांसद राजकुमार गुप्ताले भने आप्mनो सहभागिता संयोग मात्र भएको बताएका छन् । उनले मन्त्रीसँग भेट गर्न गएको बेलामा टोली पनि छलफलको लागि पुगेको र आप्mनो सहभागिता भएको बताए । उनले वीरगंजको मेनरोड फराकिलो गर्ने विषयमा आपूm २५/२५ मिटर फराकिलो हुनुपर्ने कुरामा दृढ रहेको बताए । कुनैपनि हालतमा २५ मिटरभन्दा कम अतिक्रमण हटाउनु सरकारले अरूमाथि अन्याय गर्नु मात्र हुने उनको तर्क छ । सबैलाई समानरूपमा व्यवहार गर्ने हो भने सडक नियम अनुसार अतिक्रमण हटाएसरह वीरगंजमा पनि सोही नियम लागू गर्नुपर्ने गुप्ताको भनाइ छ ।
सरकारमा सहभागी समाजवादी पार्टीका सांसद प्रदीप यादवले वीरगंजको मेनरोड २५/२५ मिटर फराकिलो हुनुपर्नेमा जोड दिएका छन् । जीतपुर र परवानीपुरवासीलाई वीरगंजको मेनरोड अतिक्रमण नहटाउने हो भने पीडा हुने र उनीहरू विद्रोहमा उत्रन सक्ने सांसद यादवले प्रतिक्रिया दिए ।
समाजवादी पार्टी पर्साका कार्यवाहक अध्यक्ष्F रामनरेश यादवले पनि वीरगंजको मेनरोड फराकिलो हुनुपर्ने पार्टीको धारणा रहेको बताए । उनले अन्तर्राष्ट्रिय राजमार्ग भएकोले यसको स्वरूप फराकिलो हुनुपर्ने बताए । सडक फराकिलो नहुँदा ट्राफिक समस्या बढेको उनको तर्क छ ।तर सोही पार्टीका वीरगंज महानगरका मेयर विजय सरावगी भने न्यूनतम क्षतिमा सडक फराकिलो गर्नुपर्ने बताउँदै आएका छन् । नगरसभाले पनि १५/१५ मिटर राजमार्ग फराकिलो गर्ने निर्णय गरेको छ । सो निर्णय कार्यान्वयनको लागि मेयर सरावगीले मन्त्री महासेठलगायत सरोकारका पक्षसँग भेटेर पहल गर्दै आएका छन् ।
महासचिवद्वय पटेल र सिंह तथा जिल्ला अध्यक्ष्F पटेलले जीतपुर–परवानीपुरको दुर्दशा भविष्यमा वीरगंजले बेहोर्नुनपरोस् भन्ने कुरालाई दृष्टिगत गर्दा तोड्ने भए अहिले नै २५/२५ मिटर तोड्नुपर्ने तर्क दिए । उनीहरूले जीतपुर र परवानीपुरमा पनि यसअघि सडक मापदण्डविपरीत न्यूनतम अतिक्रमण हटाइएको र पछि पुनः दोस्रोपटक अतिक्रमण हटाउनुपर्ने अवस्था आएको बताए । वीरगंजमा पनि अहिले २५/२५ मिटरभन्दा कम अतिक्रमण हटाउनुपर्छ भन्ने कुरा भविष्यको लागि खतरनाक हुनसक्ने उनीहरूको तर्क छ ।आजको praticdaily मा लेखिए को छ |
