वीरगञ्ज। कुटपिट मुद्दामा अदालतबाट सजाय पाई विगत ९ वर्षदेखि फरार रहेका तीनजनालाई बारा प्रहरीले पक्राउ गरेको छ।

प्रहरीले कुटपिट मुद्दामा अदालतबाट सजाय पाई फरार रहदै आएका महागढीमाई नगरपालिका वडा नम्बर ८ बस्ने सुईटप्रसाद यादव, अकलुप्रसाद यादव र भुटनप्रसाद यादवलाई पक्राउ गरेको हो ।

पक्राउ परेका तीनैजनालाई २०६७ साल पुस १२ गतेकोे जिल्ला अदालत बाराको फैसलाले कुटपिट मुद्दामा जनही १ महिना १५ दिन कैद र ९ सय ७५ जरिवाना ठहर गरेकोमा हालसम्म पनि उनीहरु फरार रहँदै आएका थिए ।

जिल्ला प्रहरी कार्यालय बाराबाट खटिएको प्रहरी टोलीले लुकिछिपी बसेको अवस्थामा फेला पारी तीनैजनालाई पक्राउ गरेको हो ।