बाँके l बाँकेको भेरी अस्पताल नेपालगञ्जमा शुक्रबार बिहान जाजरकोट छेडागाड नगरपालिका–९ की २० वर्षीया कमला अधिकारीले शुक्रबार बिहान करिब ५ बजेतिर जन्म दिएकी शिशुलाई चिकित्सकले मृत घोषणा गरेपछि अन्त्येष्टीका लागि घाट पुर्याइएकोमा चलमलाएपछि फिर्ता ल्यएर आईसीयूमा उपचार गराइरहेको जनाएका छन् ।

मृत घोषितपछि अन्तिम संस्कारका लागि नेपालगञ्जस्थित बुलबुलियातर्फ लैजाँदै गर्दा शिशु बिच बाटोमा पुग्दा चल्मलाएपछि चिकित्सकको लापारवाहीको आफन्तले निन्दा गरेका छन् ।

प्रसूति कक्षले बच्चा मरेको भन्दै पोलोथिनमा राखेर दिए आफन्तलाई बुझाएका थिए । त्यसपछि अन्तिम संस्कारका लागि बुलबुलिया घाटतर्फ लैजादै गर्दा बच्चा ज्यूँदो पाएपछि उपचारका लागि अस्पताल फिर्ता ल्याइएको थियो ।

खेलवाड गर्ने अस्पतालका दोषी कर्मचारी र चिकित्सकलाई कडा कारवाही गर्न माग आफन्तले गरेका छन् । बच्चा सकुशल जन्म भएको आफन्त र पीडितको दाबी छ ।