पर्सा। पर्साको बहुदरामाई नगरपालिका वाड नम्बर ४ डकैला बहुवरिमा रहेको नेपाल राष्ट्रिय माध्यमिक बिधालयमा बिधार्थिहरुले सोमवार गरेको तालाबन्दी अहिले सम्म खुल्न सकेको छैन् ।
शिक्षकहरुको विवादका कारण पठन पाठन प्रभावित हुदै आए पछि आक्रोशित भएका विद्यार्थीहरुले विद्यालयमा तालाबन्दि गरेका थिए । सरकारले लिएको अस्थाइ शिक्षक परिक्षामा अनुतिर्ण भएका शिक्षक किरण यादव र शिक्षिका बर्षा यादवले आफुहरुको ठाउँमा आएका अजय यादव र देवकी केसिलाई बिद्यालयमा पढाउन नदिएपछि शिक्षकहरुको बिवादका कारण विद्यालयको पठन पाठन प्रभावित हुदै आएको छ ।
पहिलेदेखि बिधालयमा अध्यापन गराउदै आएका किरण यादव र वर्षा यादवले सरकारले आफुहरुको लागि उचित ब्यवस्था नगरे सम्म आफुहरुले कुनै पनि हालतमा बिधालय नछाड्ने अडान लिदै आएको बिधालयका प्रधानाध्यापक शुभाकर मिश्राले जानकारी दिनुभयो ।
विद्यालयमा दिनहु शिक्षकहरुले बिवाद गर्न थाले पछि विद्यार्थीहरु आन्दोलित भएका हुन । विद्यार्थीहरुलो मंगलवार पनि शिक्षकहरुलाइ विद्यालयमा थुनेका छन् । शिक्षकहरुको बिवाद यथासिघ्र मिलाउँन बिद्यार्थीहरुले विद्यालय प्रशासनमा दबाब दिदै आएको भए पनि कुनै सुनवाई नभए पछि मंगलवार शिक्षकहरुलाई विद्यार्थीहरुले स्कुलको कोठामा थुनेका छन् ।
