महोत्तरी । महोत्तरीमा मोटरसाईकल चोरी गर्ने दुईजनालाई प्रहरीले पक्राउ गरेको छ ।

सिसिक्यामेराको फुटेजको आधारमा महोत्तरी प्रहरीले मोटरसाईकल चोरी गर्ने दुईजनालाई फन्दामा पारेको हो । पक्राउ पर्नेमा सोनमा गाँउपालिका २ का २० वर्षीय गोरा भन्ने गजेन्द्र कुमार यादव र सोनमा गाँउपालिका ८ का २० वर्षीय सूर्या यादव रहेका छन् ।

उनीहरुले गत साउन १५ गते गौशाला बजारमा पार्किंग गरि राखिएको स्थानीय संतोष गोसाईको ज ७ प ७००१ नम्बरको पल्सर मोटरसाईकल चोरी गरेका थिए । मोटरसाईकल चोरी गरेको फुटेज त्यहाँको सिसिटिभी क्यामेरामा कैद भएको थियो ।

त्यसकै आधारमा चोरी गरेका दुबैलाई पक्राउ गरिएको ईलाका प्रहरी कार्यालय गौशालाले बुधबार पत्रकार सम्मेलन मार्फत् जानकारी गराएको छ ।