सिरहा। सिरहाको विभिन्न ठाउँमा अवैध घरेलु मदिराप्रहरीले नष्ट गरेको छ । सिरहाको सीमावर्ती क्षेत्र माड़र लगायत जिल्लाका विभिन्न स्थानमा अवैध रुपमा सञ्चालनमा रहेको अवैध घरेलु मदिरा तथा मदिरा भट्टी सिरहा प्रहरीले नष्ट गरेको हो ।

सिरहाको नरहा गाउँपालिका –३ , सिरहा नगरपालिक–१२ सारस्वर सिरहा नगरपालिकाकै वड़ा १५ र १७ माडर र बरियारपट्टी गाऊँपालिका –३ लगायतका स्थानमा प्रहरीले एकै पटक छापा मारी फेला परेको अवैध रुपमा सञ्चालन घरेलु मदिरा र भट्टी (कारखाना) नष्ट गरेको जिल्ला प्रहरी कार्यालय सिरहाका प्रवक्ता डीएसपी अपिराज बोहराले जानकारी दिनु भयो ।

बोहराका अनुसार जिल्ला प्रहरी कार्यालय सिरहा मातहात अन्तर्गत रहेको इलाका प्रहरी कार्यालय र प्रहरी चौकीको सहयोगमा उक्त स्थानको अवैध मदिराहरू नष्ट गरिएको छ । यसरी इलाका प्रहरी कार्यालय माड़रका इन्चार्ज प्रहरी नायब निरीक्षक देव कृष्ण यादवको नेतृत्वमा खटीएको प्रहरी टोलीले लुकाई छिपाई राखिएको तयारी मदिरा अन्दाजी आठ सय लिटर र एक हजार दुई सय पचीस लिटर मदिरा तैयार गर्न राखिएका कच्चा पदार्थ नष्ट गरेको जिल्ला प्रहरी कार्यालय सिरहाले जानकारी दिए ।