सिमरा : आन्तरिक राजश्व कार्यालय बारा सिमराका नायब सुब्बा घुससहित पक्राउ परेका छन् ।

नायब सुब्बा सुदिप लामालाई अख्तियार दुरुपयोग अनुसन्धान आयोगको क्षेत्रिय कार्यालय हेटौँडाको टोलिले सोमबार पक्राउ गरेको हो ।

प्यानमा दर्ता रहेको कलैयास्थित अञ्जलि किराना पसलको प्यान नम्बर खारेज गराईदिने भन्दै सेवाग्राहीसँग ४० हजार रुपयाँ घुस लिँदैगर्दा सिमरास्थित साल्ट ट्रेडिङ अगाडीको खाजा घरबाट पक्राउ गरेको हो ।

लामालाई थप अनुसन्धानका लागी सोमबार नै अख्तियार दुरुपयोग अनुसन्धान आयोगको क्षेत्रिय कार्यालय हेटौँडा लगिएको छ ।