नवलपरासी : नवलपरासीको चोरमारामा बसको ठक्करबाट एक जना साइकल यात्रीको मृत्यु भएको छ। एक जना घाइते भएका छन्। मृत्यु हुनेमा भारतको मोतिहारी बलुवा घर भई हाल मध्यविन्दु नगरपालिका ७ चोरमारामा बस्ने ३६ वर्षका मोहम्मद साहबिर आलमको मृत्यु भएको हो।

काठमाडौंबाट महेन्द्रनगर जाँदै गरेको ना ५ ख ४८६ नम्बरको बसको ठक्करबाट साइकल यात्रीलाई ठक्कर दिएको जिल्ला प्रहरी कार्यालय नवलपुरका प्रहरी नायव उपरीक्षक अर्जुन रानाभाटले बताए। उनको मध्यविन्दु जिल्ला अस्पताल डण्डामा उपचारको क्रममा निधन भएको प्रहरीले जनाएको छ।