नेपालि नारीहरुको महान चाड हरितालिका तिजको अवसर पारेर नेपाली कलाकार संघ मलेसियाले आयोजना गरेको तिज विशेष कार्यक्रम सम्पन्न भएको छ ।

बिनोद बाबू केसि को सभापतित्वमा आजै मलेसियाको केलाङ सहर स्थित केलाङ चौतारी रेष्टुरेन्टमा आयोजित कार्यक्रममा फुर्बा दोर्जे मोक्तान तमाङ को प्रमुख आतिथ्यता मा सम्पन्न कार्यक्रममा नेपाली कलाकार संघ मलेसिया का सल्लाहकार योगेन्द्र कोइराला नेपाल तामाङ घेदुङ मलेसिया का अध्यक्ष राजेन्द्र वाईबा तामाङ ले तिज विशेष सुभकामना मन्तव्य दिएका थिए ।

आइतबार बिहान ११ बजे बाट सुरुहुने भनिएको उक्त तिज विशेष कार्यक्रममा तोकिएको समय भन्दा झण्डै एक घन्टा पछाडि सुरु भएको थियो । कार्यक्रममा स्थानीय कलाकारको प्रस्तुती संगै टाईगर कमेडी ग्रुप मलेसियाका कलाकार हरुले पनि विशेष ब्याङ्ग्यात्मक प्रस्तुती दिएका थिए ।

कार्यक्रममा प्रस्तुत भएका प्रस्तुति हरुमध्य आयोजक कमिटीको र अतिथि हरुको मुल्यांकन वाट सर्बोत्कृष्ट प्रस्तुति दिनुहुने डान्सर निसा राहु र गायक मोहन बिसी लाई आयोजकको तर्फबाट मायाको चिनो सहित अवार्ड प्रदान गरेको थियो ।

कार्यक्रममा स्वदेश फर्कन लागेका नेपाली प्रबासी सितोरियो कराते संघ का महासचिव सिन्धुपाल्चोक का नोर्बु बोम्जन तमाङ लाई सम्मान तथा स्वागत गरिएको थियो ।