रौतहट । रौतहट पछिलो समय रौतहट, बारा, पर्साको सीमावर्ती क्षेत्रमा प्रतिबन्धित लागुऔषधको ओसार प्रसार बढेको प्रमान फेला परेको छ । परोहा नगरपालिकाबाट लागुऔषध सहित रौतहट प्रहरीले शुक्रबार एकजनालाई पक्राउ गरे लगतै प्रमाण फेला परेको हो ।
पक्राउ पर्नेमा बारा जिल्ला साबिक हरीहरपुर ८ र हाल सिम्रोनगढ बस्दैआएका बर्ष ६० का गोकर्ण महतो रहेको प्रहरीले जनाएको छ । जिल्लाको परोहा नगरपालिका–९ रामपुर खाप नरकटिया सडकखण्डमा बिषेश सूचनाको आधारमा भारतीय नम्बर बिआर ० ५ एच ८८१२ नम्बरको मोटरसाईकल चेकजाँचको क्रममा साधन तथा पैदल यात्रु चेकजाँचको क्रममा लागू औसध सहित महतो पक्राउ परेका हुन ।
मोटरसाइकलमा बोकी राखेको सेतो बोरा भित्र लागुऔषध डाइजेल्याब चारसय ९२ एम्पुल,फेनारगन चारसय ९३ एम्पुल,र मोर्फिन पाँचसय चार कके र कुल एकहजार चारसय ९९ एम्पुल नशालु सुई बरामद भएको जिल्ला प्रहरी प्रमुख एसपी भुपेन्द्र खत्रीले बताएका छन । पक्राउ परेका महतोलाई जिल्ला प्रहरी कार्यालय गौरमा राखी अनुसन्धान गरिरहेको एसपी खत्रीले जानकारी दिएका छन ।
वीरगंज संजाल
