बिरगंज। बैंक पनि साथी पनि , राम्रो पनि हाम्रो पनि भन्ने मुल नाराका साथ एन आई सि एशिया बैंकले आफ्नो २२ औं बार्शिकोत्सवको अवसरमा ३० विशेषतायुक्त नया सुपर चमत्कारिक बचत निक्षेप योजनाहरु सार्वजनिक गरेको छ ।एन आई सि बैंकले सबै तह र तप्काका ग्राहकहरुका लागि सुबिधायुक्त नया सुपर चमत्कारिक निक्षेप योजना कार्यक्रम ल्याएको जानकारी आज पत्रकार सम्मेलन गरि सो विषयमा जानकारी गराईको थियो।

एन आई सि एशिया बैंक बिरगंजका मार्केटिङ मेनेजर ईन्दु अग्रवालले बिरगंजको होटेल अन्नपूर्णमा आयोजित पत्रकार सम्मेलनमा जानकारी गराउनु हुदै बैंकले ल्याएको सुबिधायुक्त नया सुपर चमत्कारिक निक्षेप योजना अन्तरगत ग्राहकहरुको लागी सुपर चमत्कारिक बचत खाता , सुपर चमत्कारिक नारी बचत खाता , सुपर चमत्कारिक जेष्ठ नागरिक बचत खाता, सुपर चमत्कारिक बाबु नानी बचत खाता , विद्यार्थी बचत खाता , स्वरोजगार बचत खाता, वैदेशिक रोजगार बचत खाता, उद्यमशिल बचत खाता, तलब बचत खाताले आम जनमानसमा बचत गर्ने बानीलाई थप प्रोत्साहन गर्ने र बचतको उचित प्रतिफल प्राप्त गर्न सकिने पनि बताए ।

यस निक्षेप योजनाहरुमा ग्राहकले आफु र आफ्नो परिवारको सुरक्षार्थ रु. १ करोड ३१ लाख ५० हजारसम्मको बिमा सुबिधा प्राप्त गर्न सक्ने बैंकका प्रदेश न.२ का उप- प्रबन्धक मनु प्रसाद शर्माले जानकारी दिनु भएको थियो ।यस बैंकको मुलुकभर २९७ शाखा कार्यालयहरु , ३४६ एटिएम , ५८ वटा एक्स्येन्सन काउन्टर एवं ४१ वटा शाखा रहित बैन्किङ्ग मार्फत बैन्किङ्ग सेवा प्रदान गर्ने मुलुककै सबै भन्दा ठूलो शाखा सन्जाल भएको बैंक हुन सफल भएको दाबी समेत गरेको थियो ।अरबौ रकम निक्षेप भएको र करोडौं मुनाफा गर्न सफल बैंक र बैंकले प्रत्यक्ष र अप्रत्यक्ष गरि करिब ३ अर्ब १५ करोड रुपैयाँ भन्दाबढी राजस्व नेपाल सरकारलाई भुक्तानी गरिसकेको बिरगंज शाखाका प्रबन्धक पुजा खेतानले बताए ।ग्राहकको सुबिधाको लागी बिरगंजमा ३ वटा शाखा संचालित रहेको छ ।