वीरगंज । डोटीका भूकम्प पीडितलाई सहयोग हस्तान्तरण गरिएको छ । गैरआवासीय नेपाली संघ, कैलाली उद्योग बाणिज्य संघ र डोटी उद्योग बाणिज्य संघको संयुक्त सहकार्यमा डोटीका भूकम्प पीडितलाई राहात सामाग्री हस्तान्तरण गरिएको हो ।

कार्तिक २३ गते विहान २ बजे डोटीस्थिति खप्तड राष्ट्रिय निकुञ्ज क्षेत्रलाई केन्द्रविन्दु बनाई आएको भूकम्पका कारण घर भत्किदा ६ जनाको मृत्यु भएको थियो । भूकम्पमा ८ जना घाईते भएका थिए भने २८ घरपरिवार विस्थापित भएका थिए । जिल्ला विपत व्यवस्थापन समितिमार्फत भूकम्प पीडितलाई साढे ३ लाखभन्दा बढी बराबरको राहत सामाग्री सहयोग गरिएको गैरआवासीय नेपाली संघले बताएको छ ।

भूकम्पमा परेर जनधनको क्षति भएपछि एनआरएनएले धनगढी उद्योग वाणिज्य संघ र डोटी उद्योग वाणिज्य संघसंगको समन्वयमा डोटीका प्रमुख जिल्ला अधिकारी, जिल्ला प्रहरी प्रमुख र नेपाल रेडक्रस सोसाईटी डोटी शाखाका प्रदेश महासचिवलाई राहात सामाग्री हस्तान्तरण गरिएको गैरआवासीय नेपाली संघले जारी गरेको विज्ञप्तिमा उल्लेख छ ।