पोखरीया | घरमै हुनुहुन्छ नि, होईन ? घरमै रहनुहोला ।कोरोना संक्रमणको

जोखिम कम गर्न सरकारले गत मंगलबारबाट लकडाउनको घोषणा गरेको छ ।

अत्यावश्यक काम बाहेक घर बाहिर निस्कन मनाही छ । लकडाउनका कारण

सडकहरुमा सर्वसाधारणको चहलपहल छैन । केही ठाउँमा लकडाउनको उल्लंघन

गर्नेहरुलाई नियन्त्रणमा लिइएको खबर छ ।

उता पर्साको पोखरीया नगरपालिकामा कोभिड १९ संक्रमणको जोखिम कम गर्न ३

सदस्यीय क्वीक रेस्पोन्श टिम समिती गठन गरेको छ । पोखरीया नगरपालिकाका

नगर प्रमुख दिप नारायण रौनियारको अध्यक्षतामा गठन भएको समितीमा

उपप्रमुख सल्मा खातुन र पत्रकार छट्टु साह रहेका छन् । समितीले नगर भित्र

कसैलाई कोरोनाका लक्षण देखापरेमा तुरुन्तै क्वारेन्टाईमा लगि उपचारको

व्यवस्था मिलाउनेछ ।

साथै ज्वरो आउने, स्वाँस प्रश्वासमा समस्या हुने जस्ता लक्षण देखिए

नगरपालिकाले जारी गरेको हेल्पलाई नम्बरहरु ः ९८५५०३३१३५, ९८५५०३७००४,

९८५५०२७०९९ र ९८११११५५९६ मा सम्पर्क गर्न सकिने समितीले जनाएको छ ।